Презентација за родители во ЦОУ „Гоце Делчев“ Гостивар

На 22 мај 2014 г. НДЦ Скопје организираше презентација на Нансен моделот за интегрирано образование пред родителите на учениците од второ одделение од македонската и албанската настава во рамките на ЦОУ „Гоце Делчев“ во Гостивар. Презентацијата беше реализирана од наставничките Нагихан Снопче и Габриела Мерџановска со поддршка од тимот на НДЦ Скопје. На презентацијата беа присутни директорот на училиштето, Сашо Шарески и заменик директорот, Сефер Елмази. Родителите изразија голем интерес и поддршка за проектот и ги дадоа потребните согласности за учество на нивните деца во интегрираните воннаставни активности кои се дел од Нансен моделот за интегрирано образование. Презентацијата пред родителите е почетен чекор за воведување на моделот во рамките на ЦОУ „Гоце Делчев“ Гостивар, следен чекор е потпишување на договор за соработка со општина Гостивар со цел формално да се одбележи започнувањето на проектот од следната учебна година.