Më 6 mars 2019 mësimdhënësit Jagoda Dimovska dhe Izet Jusufi me nxënësit e klasës së gjashtë dhe të shtatë realizuan aktivitete nga seksioni Njihu me Maqedoninë i Programit vjetor për aktivitete jashtëmësimore interkulturore.
Aktivitetet filluan me lojë hyrëse e më pas vijoi diskutim rreth traditës maqedonase dhe shqiptare sa i përket këngëve tradicionale. U bisedua se çfarë këngësh këndohen në ngjarje të caktuara, u numëruan disa këngë tradicionale maqedonase dhe shqiptare. Si më karakteristike i veçuan dy këngë: Makedonsko devojçe (Vajzë maqedonase) dhe Mora rrugë kah Manastiri të cilat nxënësit i mësuan dhe i kënduan. Në pjesën përfundimtare të aktiviteteve nxënësit vallëzuan valle tradicionale maqedonase dhe shqiptare me këngët e lartpërmendura.
Qëllimet e aktiviteteve janë: kultivimi i dashurisë ndaj vendlindjes, si dhe respektimi i dallimeve kulturore në R. e Maqedonisë, thellimi i interesit për hulumtimin e trashëgimisë popullore muzikore të më shumë grupeve etnike në R. e Maqedonisë si dhe zhvillimi i pikëpamjeve kozmopolite dhe tolerante ndaj dallimeve të karakterit gjuhësor, etnik, fetar dhe kulturor.
Related activities from NDC Skopje:
Mesazhi i profesorit S. Brin për mësimdhënësit Profesori Stajner Brin, themeluesi i rrjetit Nansen Dialog në Ballkan, shqyrtoi rolin e Qendrës për trajnim pranë QDN Shkup gjatë pandemisë, si dhe…
Koncepti për arsimin ndërkulturor 2015 Modern dhe i domosdoshëm - këto fjalë mund të përshkruajnë konceptin për arsimin ndërkulturor, të zhvilluar nga Qendra për Dialog Nansen në…
Programi për dialog dhe pajtim 2005 Në kohë dhe gjithëpërfshirës - këto fjalë mund ta përshkruajnë programin për dialog dhe pajtim, i cili luajti një rol kryesor në…
