Më 19 dhe 26 prill 2018 mësimdhënëset Gordana Tomeska dhe Suzana Veseli zbatuan aktivitetet interkulturore si pjesë e Eko-sekcionit i cili realizohet me nxënësit. Qëllimet e aktiviteteve jashtëmësimore ishin:
- nxitja e bashkëpunimit të suksesshëm reciprok në grup dhe në tandem;
- kultivimi i një klime pozitive socio-emocionale në grup;
- inkurajimi i nxënësve për komunikim joverbal në një mjedis dygjuhësor;
- përforcimi i vetëbesimit të nxënësve;
- promovimi i origjinalitetit, krijimtarisë së fëmijëve;
- zhvillimi i një qëndrimi të përgjegjshëm dhe aktiv ndaj detyrave të grupit;
Nxënësit me shumë kënaqësi realizonin punimet ndërsa bashkëpunonin dhe ndihmonin njëri-tjetrin. Përveç promovimit të bashkëpunimit të ndërsjellë, ndihmës dhe shoqërimit ndërmjet nxënësve, qëllimi i aktivitetit ishte që të inkurajojë nxënësit që të kujdesen për natyrën dhe kafshët.