Thirrje e hapur për zgjedhjen e 3 model- shkollave
Të dhëna të përgjithshme për projektin
Në bazë të Memorandumit për bashkëpunim të nënshkruar mes Qendrës për Dialog Nansen Shkup (03-178) dhe Ministrisë së arsimit dhe shkencës së Republikës së Maqedonisë (08-10904), vendimit të Ministrit të arsimit me nr. 12/457 dhe planit të veprimit nga Koncepti për arsim interkulturor, në datën 10.12.2017 Qendra për dialog Nansen Shkup në bashkëpunim me Ministrinë e arsimit dhe shkencës shpall thirrjen e hapur për përzgjedhjen e 3 (tre) shkollave fillore dhe/ose të mesme të cilat do të zbatojnë Konceptin e arsimit interkulturor.
Vegëzat deri tek Koncepti për arsim interkulturor:
Qendra për dialog Nansen Shkup: në vegëzën (në gjuhën Maqedonase dhe Shqipe)
Projekti është financiarisht i përkrahur nga Ministria e punëve të jashtme të Mbretërisë së Norvegjisë dhe Ministria e arsimit dhe shkencës e Republikës së Maqedonisë.
Qëllimi i projektit
Qëllimi i projektit është zbatimi praktik i “Konceptit për arsim interkulturor” në model-shkollat e selektuara, përkatësisht zbatimi i fushave tematike me numër rendor 2, 3, 4 dhe 5:
Kompetencat e kuadrove edukativo- arsimore për arsim interkulturor;
Aktivitete jashtëmësimore;
Ambienti në institucionet edukativo- arsimore;
Raportet e institucioneve edukativo- arsimore me komunitetin e gjërë .
2. Kompetencat e kuadrove edukativo- arsimore për arsim interkulturor;
Një pjesë e aktiviteteve nga kjo fushë tematike e Konceptit për arsim interkulturor zbatohen me qëllim të përmirësimit të kompetencave dhe shkathtësive të mësimdhënësve, bashkëpunëtorëve profesionist, drejtorët dhe ndihmës drejtorët e shkollave, të cilët në të ardhmen do të punojnë në fushën e arsimimit të integruar dhe interkulturor.
Për secilën model- shkollë do të ofrohen dhe organizohen trajnime të tilla nga ana e QDN Shkup dhe MASH. Trajnimet do ti organizojë Nansen Qendra e Trajnimit në Shkup sipas programeve të posaçme të cilat do të realizohet nga ana e ligjëruesve nga Maqedonia dhe nga jashtë.
Trajnimet janë të ndara në dy nivele, bazike dhe të avancuara me kohëzgjatje prej 80 orëve (niveli bazik – teori dhe praktikë) dhe 60 orë (niveli i avancuar – teori dhe praktikë).
Në planifikimin e këtyre trajnimeve nga ana e aplikuesit (në tabelat me numër 3.1 në aplikimin) është e dëshirueshme të ruhet ekuilibri etnik i mësimdhënësve dhe paraleleve/ klasave të cilat do të përfshihen në trajnimet dhe aktivitetet. Nëse ka ekuilibër etnik të mësimdhënësve, do të jetë më lehtë të formësohen tandemët e mësimdhënësve që do të zbatojnë aktivitetet interkulturore. Nëse mungon ekuilibri etnik në shkollë (mësimdhënës dhe nxënës), QDN Shkup dhe shkollat do të përpiqen që më tej të gjejnë mënyrë për të përfshirë mësimdhënësit dhe paralelet e mbetura në aktivitetet e projektit.
Datat konkrete për realizimin e këtyre trajnimeve do të përcaktohen në bashkëpunim me drejtorinë e model- shkollave të përzgjedhura.
Harxhimet për trajnimet e mësimdhënësve (transporti, ushqimi, ligjëruesit, materialet e punës dhe pakot didaktike) janë të siguruara nga ana e QDN Shkup dhe MASH.
Më shumë informata rreth Qendrës për trajnim dhe programit të trajnimeve mund të gjeni në http://www.tcnmie.org
3. Aktivitete interkulturore jashtëmësimore
Këto aktivitete mësimdhënësit në model-shkollat mund ti realizojnë përmes aktiviteteve joformale:
Aktivitete interkulturore (jashtëmësimore) të cilat realizohen së paku një herë në javë.
Këto aktivitete duhet të planifikohen sipas orarit të nxënësve dhe kushteve hapësinore me të cilat disponon shkolla, Tabela 3.2 nga aplikimi.
Aktivitetet do ti realizojnë mësimdhënës – realizues të cilët me sukses do të përfundojnë nivelin bazik të trajnimeve. Aktivitetet interkulturore dhe aktivitetet e projektit do të realizohen duke filluar nga shtatori i vitit shkollor 2018/19 në bazë të programeve vjetore të cilat veçse janë të hartuara nga QDN Shkup.
Gjatë kohëzgjatjes së implementimit të këtyre aktiviteteve, mësimdhënësit do të kenë përkrahjen nga ekipi i posaçëm i cili njëkohësisht do ti observojë aktivitetet në bazë të protokollit të hartuar për planifikim, zbatim dhe vlerësim të aktiviteteve.
Aktivitetet interkulturore të cilat zbatohen me nxënësit, mësimdhënësit i realizojnë vullnetarisht, pa kompensim financiar nga ana e QDN Shkup ose MASH-it.
Në periudhën prej tri viteve shkollore 2018/19, 2019/20 dhe 2020/21, preferohet që në projektin të inkuadrohen së paku 60% të klasave nga model-shkolla/t (nga numri i përgjithshëm).
Më shumë informata rreth aktiviteteve interkulturore mund të gjeni në: http://www.nmie.org
4. Ambienti në institucionet edukativo- arsimore
Shkollat do të përkrahen në rinovimin e pjesërishëm dhe pajisjen e një pjese të klasave në të cilat do të realizohen aktivitetet interkulturore në përputhje me planin e zbatimit të këtyre aktiviteteve të hartuar nga ana e aplikuesit (shkollës).
Pajisjet të cilat do ti dorëzohen shkollës do mund të përdoret edhe në mësimin e rregullt.
5. Raportet e institucioneve edukativo- arsimore me komunitetin e gjërë
Mësimdhënësit- realizues do të kenë obligimin të realizojnë aktivitetet e parapara për prindërit e nxënësve të inkuadruar në projekt sipas programit të hartuar për prindër dhe në bazë të planit të aktiviteteve i cili është pjesë e aplikimit. Shkollat do të përkrahen në promovimin e shkollës dhe inkurajimin e inkuadrimit më të madh të komunitetit lokal të biznesit në shkollat.
Kush mund të aplikojë?
Shpallja është e hapur për shkollat fillore dhe të mesme të Republikës së Maqedonisë në të cilat procesi arsimor realizohet në dy ose më tepër gjuhë mësimore. Kriteret për përzgjedhjen e shkollave sipas të cilave do të vlerësohen aplikimet janë të dhënat nga “Plani i zbatimit” i cili është pjesë përbërëse e aplikimit:
përqindja e mësimdhënësve të inkuadruar në projekt
përqindja e paraleleve/ klasave të inkuadruara në projekt
përqindja e prindërve të inkuadruar në projekt
baraspesha etnike (përfaqësimi) në shkollën
eksperienca e mëparshme pozitive me projekte
pjesëmarrja financiare e komunës (nëse ekziston mundësia)
posedimi i planit strategjik të shkollës (nuk është e obligueshme)
Si të aplikoni?
Aplikimi mund të shkarkohet nga vegëzat në vazhdim:
Aplikimin e plotësuar në version të skanuar dërgoni në contact@ndc.net.mk
Aplikimin origjinal (në version të printuar) dërgoni në adresën:
Qendra për Dialog Nansen Shkup
Rr. Bahar Mois 4, 1000 Shkup
Republika e Maqedonisë
Afati për dorëzimin e aplikimeve
Afati i fundit për dorëzimin e aplikimeve në mënyrë elektronike (e-mail) është 29 dhjetor 2017 gjer në orën 16.00. Aplikimi i plotësuar origjinal në version të printuar duhet të dërgohet me postë më së voni gjer më 5 janar 2018.
Korniza kohore për zbatimin e projektit
Faza e parë e projektit është shpallja e thirrjes së hapur për përzgjedhjen e shkollave (gjer më 15 janar 2018) Faza e dytë është hulumtimi i cili do të zbatohet në shkollat e përzgjedhura (shkurt 2018) Faza e tretë është rishikimi dhe pranimi i planit të aktiviteteve nga aplikimi i shkollave dhe nënshkrimi i marrëveshjeve me shkollat (mars 2018)
Fillimi i realizimit të trajnimeve për mësimdhënësit (prill 2018)
Fillimi i zbatimit praktik të Konceptit për arsim interkulturor sipas planit final të aktiviteteve i dorëzuar nga shkolla/t (shtator 2018)
Pjesëmarrja financiare
Shkollat janë të liruara nga pjesëmarrja financiare, respektivisht nga financimi i këtij projekti.
QDN Shkup së bashku me drejtoritë e shkollave do të tentojë të sigurojë participim financiar nga ana e komunave, në rast se ekziston mundësia. Ministria e punëve të jashtme të mbretërisë së Norvegjisë dhe Ministria e arsimit dhe shkencës së Republikës së Maqedonisë i sigurojnë të gjitha mjetet financiare për këtë projekt.
Për informata plotësuese rreth procesit të aplikimit dhe për projektin, na kontaktoni në: contact@ndc.net.mk
Qendra për Dialog Nansen Shkup dhe Ministria e arsimit dhe shkencës e R.M.
Related activities from NDC Skopje:
Koncepti për arsimin ndërkulturor 2015 Modern dhe i domosdoshëm - këto fjalë mund të përshkruajnë konceptin për arsimin ndërkulturor, të zhvilluar nga Qendra për Dialog Nansen në…
